كتب – احمد النوبي
علق الشاعر الغنائى أحمد المالكى، على قرار هانى شاكر، نقيب الموسيقيين، بمنع مطربى المهرجانات من العمل نهائيا، قائلا: “فيه قطع عيش لناس كثير وليه ناس بتحبه وتسمعه.. وبدل ما يتوقفوا المفروض يتوجهوا للصح ويتعمل رقابة على الكلام اللى بيغنوه”.
وكتب المالكى، عبر حسابه على فيس بوك: “وقف المهرجانات فيه قطع عيش لناس كتير، ده ذوق وليه ناس بتحبه وبتسمعه، زى زمان لما كان فى عبد الحليم وقارئة الفنجان وفى أحمد عدويه السح الدح امبو”.
وأضاف المالكى: “بدل ما يتوقفوا المفروض يتوجهوا للصح ويتعمل رقابة على الكلام اللى بيغنوه زى ما بيحصل فى أغانينا ويعدو على المصنفات الفنية الأول، واللى ميعملش كده هو اللى يتوقف، يتوقف مش يدفع غرامة، لكن وقف تماما وقطع عيش لناس كتيره سواء اللى بيغنوا أو الفرق بتاعتهم ده مش منطقى برضه”.
